ඉන්න ඇත්තො

5 Ethical

හෙඩින් එක දැක්කමනම් කෙනෙක්ට හිතෙන්න පුලුවන් මේක ඉංග්‍රීසි පාඩමක්, එහෙමත් නැත්නම් ඉංග්‍රීසි ලිපියක්ය කියල... ඒත් අපොයි එහෙම එකක්නම් නෙවෙයි.. එකක් සිංහල බ්ලොග් එකේ ඉංගිරිසි උගන්නන්න තරම් තාම මොලේ අවුල් නෑ. අනික පොළොන්නරුවෙ ඉපදිලා, ශිෂ්‍යත්ව විභාගෙන් කුරුණෑගලට ආව මම, අමාරුවෙන් කොළඹ රටේ රස්සාවට ආවට, අපෙ සීයත් හොඳ ගොවියෙක්... ඉතින් ඉංගිරිසිය ගැටගහගන්න අමාරුවෙන් පුරුදු උනාට මොකද, පාඩමක් උගන්වන්න හැටියක් නෑ.
ඇත්තම කීවොත් ලියන්න හිටියෙ වෙන දෙයක්... මම ඉස්කෝලෙ යන කාලෙ ලියපොඋ කවියක් ගැන... ඒත්, ඒක ලියන්න ඒ කවිය හොයාගන්න බැරි උනා... ඉතින් ඒ ගැන හිත හිතම නින්ද ගියා... එක පාරටම උදේ 4ට ඇහැරුනාම මේක ලියන්න හිතුන..


වචනේ තේරුමනම් ඉතින් ඔයාල දන්නවනෙ... "ආචාර ධර්ම"


මම මුලින් දවසක "ඇයි..?" කියල ගෑණු ළමයින්ගෙ ඇඳුම් ගැන ලීව පොස්ට් එකට පස්සෙ වැඩියෙන්ම ප්‍රතිචාර ලැබුනෙ මම අන්තිමට ලියපු "කව්ද මේ ?" පොස්ට් එකටයි.. සමහරවිට ඒකට බ්ලොග් එකේ පළ නොකෙරුණ, ඒත් කටින් ලැබුන ප්‍රතිචාරත් ගොඩක් තිබුන... (මම හිතන්නෙ ඒ මලය සෑහෙන ගොඩ ගියා).
ඒත් හැබැයි ඉතින් මම ඒකෙ "Ethical"' වචනෙ නම් පාවිචිචි කලේ නෑ.. හැබැයි ඉතින් ඒක ලියද්දි නම් මම ගොඩක් හිතුව.... සමහර දේවල් ලියල ආයේ මැකුව... සමහර දේවල් ආයෙ ආයේ ලීව... මොකද ඉතින් කෙනෙක් ගැන ලියන එක කරද්දි ගොඩක් පරිස්සම් වෙන්න ඕනෙ නිසා... ඒ කෙනාට හානියක් නොවෙන්න ඕනෙ නිසා.. කොච්චර විහිලු කලත් ඇස් රතු වෙන්න හොඳ නැති නිසා..
අනික මම හරි බයයි මිනිස්සුන්ගෙ හිත් රිද්දන්න.... කියන්න ඕනෙ දේ කෙලින් කියන එකනම් මම කරනව... ඒත් මිනිස්සුන්ගෙ හිත් රිද්දන එක පවක්... මොකද මමත් දන්නව හිත් රිදුනම ඒක සුව වෙන්න කොච්චර කල් යනවද කියල... සමහර වෙලාවට අවුරුදු ගනන් යන්න පුලුවන්...ඉතින් කොහොම හරි ඔන්න ඕව නිසා මම එහෙම කරද්දි ගොඩක් හිතනව.... ඒක නිසාම "කව්ද මේ" ලියලත් මම ඒ අදාල මලයගෙන් ඇහුව අවුල්ද කියලත්..
ඒ කතාව එච්චරයි කියමුකො... මේක ලියල ටික දවසකින්, මම මොකක් කීවත් මගෙ යාලුවො ටිකක් පුරුදු උනා "ඒක එතිකල් නෑ". "ඒක එතිකල්ද" කියල අහන්න... (ඔන්න ඉතින් දැන් මූණ දික් කර ගන්න එපා.. මම ඒකට වැරැද්දක් කියන්න නම් නෙවෙයි මේක ලියන්නෙ.. එහෙම නම් ඉතින් මම පොස්ට් එකක් ලිය ලිය ඉන්නෙ නෑ.. කෙලින්ම කියනව, මම ඔය වැඩේට ආස නෑ කියල...මොකද ඉතින් කලින් කීව වගේ එතන මෙතන කියන පුරුද්ද මට නැති නිසා... සමහර වෙලාවට මම නහින්නෙත් ඒ නිසා.. අර මොකද්ද එක දීල ගොඩ යන පුරුද්දක් අම්මලවත්, මම ඉගෙන ගත්ත තැනකින්වත් මට ඉගැන්නුවෙ නෑ.. පුරුදු කලේ නෑ... සමහර වෙලාවට එහෙම කලානම් මම මීට වඩා ඉහල තැනක ඉන්න තිබුන... එත් ඉතින් මොකටද.... නේද...? )
ඔන්න ඔන්න ට්‍රැක් පනිනව... ආයෙත් කතාවට එන්නම්කො.
ඉතින් මම ඇහුව.. මොකද්ද ඔය කතාව කියල... හිනා වෙනව විතරයි... කෙලින් උත්තරයක් නෑ...  පස්සෙ අන්තිමේ එක්කෙනෙක් කීවා මගෙ බ්ලොග් එකේම සාරාංශය ඒකලු.. 
ම්ම්ම්ම්ම්ම්ම්ම්......
කල්පනා කලා... අයෙ මුල ඉඳන් ඔක්කොම පෝස්ට් ටික කියෙවුව.... ඒත් මට එහෙම එකක් හිතෙන්නෙ නෑනෙ... එකක්, දෙකක් තියෙනව එහෙම ලියපු.... නැත්තෙම නෑ... ඒත් ඉතින් එහෙමම නෑ....
හරි හරි.... ඒත් මම තරහ නෑ එහෙම කියනවට...  ලියන අය දන්නව කවුරු හරි තමන් ලියපොඋ දෙයක් කියවනවට, විවෙචනය කරනවට, එක එක අර්ථකතන දෙනවට ගොඩක් කැමතියි... මොකද ඒ දේවල් වලින් තමයි හැදෙන්න පුලුවන්.....
ඒක නිසා ඒ හැම කෙනෙක්ටම මම හිස නමා ආචාර කරනව... තව එකක් කියන්න ඕනෙ... මම කවදාවත් කවුරුත් දාන කොමෙන්ටුවක් අයින් කරන්නෙ නෑ.. ඒත් "මේ කවුද.?" එකේ එහෙම එකක් අයින් කලා... ඒ මොකක්වත් හින්ද නෙවෙයි... කතා නායකයගෙ අනන්‍යතාවය හෙලිවෙන විදියෙ දෙයක් නිසා... මම ඒ කොමෙන්ටුව දාපු සහෝදරයටත් ඒක කීව..
ඔය එතිකල්ද..? නැද්ද ..? කියන මතෘකාව ලීවොත් එහෙම , එහෙමත් නැත්නම් එදිනෙදා වෙන එතිකල් නැති කතා ලීවොත්, මට මේ බ්ලොග් එක සතියෙන් පෝස්ට් 500කින් විතර පුරවන්න පුලුවන්... ඒ මොකද ඉතින් අපි ජීවත් වෙන්නෙ හරිම එතිකල් සමාජෙක නිසා..
එකම පවුලෙ අයිය රෙදි කඩයක් දැම්මොත්, මල්ලි පහුවදාම එහා පැත්තෙ දානව රෙදි කඩයක්..;
එකට වැඩ කරන එකා පොඩ්ඩක් හරි හොඳ දෙයක් කරල ගොඩ ගියොත්, පහුවදා ඉඳලම ඒකට වල කපන්නෙ කොහොමද කියල හිතන්නෙ...;
කවුරු හරි එකෙක් මොකක් හරි අලුත් වැඩක් කරන්න යන්ව කීවොත්, ඒකට කලින් අහගෙන හිටිය එකා ඒක පටන් ගන්නව...;
මෙහෙම ලීවොත් ලියන්න පුලුවන් 100ක් උනත් එක දිගට...
වැඩක් නෑ ඉතින්...
හොඳම දේ නම්, අපි මොකක් හරි කරන්න කලින් සැරයක් නෙවෙයි, සිය සැරයක් උනත් කල්පනා කරන්න පුලුවන්නම්; අපි මොකක් හරි කියන්න කලින් සිය වතාවක් හිතන්න පුලුවන්නම්,
මොකද කීවට පස්සෙ අයෙ ගන්න බෑනෙ..
අපි කවුරුත් ඉතින් පෘතඃජන (වචනෙ හරිද මන්ද..?) මිනිස්සුනෙ... වචනයක් එලියට දැම්මට පස්සෙ ආයෙ ගිලින්නයැ..
ඒක හින්ද..
ටිකක් විතර එතිකල් විදියට ජීවත් වෙමු නේද ...? වරදක් නෑනෙ... හොඳක් මිසක...


5 comments:

  1. This comment has been removed by the author.

    ReplyDelete
  2. අප්පා... සිංහලෙන් ලියන්න දඟලපු දැඟලිල්ලක්! මම qsFox නැතිව qschrome දාගත්තා, වැඩියෙන් පාවිච්චිය Google chrome නිසා. හැබැයි අලුත් දෙයක් ඉගෙන ගත්ත නිසා සතුටුයි. :)

    ඒ හින්දා බොහෝම ස්තූතියි qsFox ගැන කිව්වට... මුලු බ්ලොග් එකම කියවලා මට හිතෙන දේ හෙමින් සැරේ සිංහලෙන්ම ලියන්නන්...

    ReplyDelete
  3. I read through your blog...
    When we started bugging you with "ethical" I had only known you for 2 months and read only two of your blog posts.

    After having read through the blog, I stand by my word. No, you're not a perfect man. But you try to live according to what you know to be right. No, not every approach you take to make the wrong things right are effective, but the thought behind your approach is good. No, not everything in life is as it should be, but no one can deny that it is beautiful and worth fighting for... :)

    Anyway, my heartfelt wishes to continue with your writing, photography and career. Hope you improve with age. :P

    TC

    ReplyDelete
  4. @ Nel
    සන්තෝසයි කෙනෙක්ට දෙයක් ඉගෙන ගන්න උදව් කරන්න ලැබුනට....

    @ Anonymous
    මම දන්නව ඔයා කව්ද කියල... ගොඩක් ස්තුතියි අදහසට.... අනේ ඉතින් නමින්ම කීවනම් කොච්චර වටිනවද...දිරි ගැන්නුවට ගොඩක් පින්..

    ReplyDelete

වෙලාව තියෙනවනම් පුංචි දෙයක් හරි ලියල යන්න...