3 මං ආසා ගී - පායා ඇයි හිනැහෙන්නේ

පායා ඇයි හිනැහෙන්නේ 
නිල් ගුවනේ තරු රාසී නැති වී... 
නැතිවී... නැතිවී නම් ඇගෙ මුහුණේ
නිල්වන් දෙනෙතේ කාන්තී
පායා ඇයි හිනැහෙන්නේ...

ඇගෙ වත මට නොපෙනේ නම් 
පුන් සඳ ඇයි හිනැහෙන්නේ
නැති දා ඇගෙ ගී රාවේ 
කොවුලනි ඇයි ගී ගැයුවේ...

වනයේ පිපි මල් ගොමුවේ 
සමනලයනි ඇයි නැටුවේ
නැතිවී... නැතිවී නම් ඇගෙ මුහුණේ
නිල්වන් දෙනෙතේ කාන්තී
පායා ඇයි හිනැහෙන්නේ...

ඇගෙ දිමුතු දසන් නොපෙනී 
මට මොකටද මුතු පන්තී 
ඇගෙ කඳුළැලි නැති විටදී 
ඕනෑ නෑ දියමන්තී...

එච් ආර් ජෝතිපාලයන් ගායනා කරන මේ සින්දුව අද මම උදේ කෝච්චියෙ යන ගමන් ඇහුව. ටිකක් විතර ඒ කටහඬට සමාන විදියට මේ ගීතය ගායනා කලා කෙනෙක්.. ඇත්තටම උදේ කෝච්චියෙ යකඩ සද්දෙ අහගෙන යන අයට ඒක ලොකු සහනයක් වෙන්න ඇති.. කාටවත් කරදරයක් වෙන්නෙ නැති විදියට ගායනා කල නිසාත්, ඇත්තටම ලස්සනට ගායනා කල නිසාත් වෙන්න ඇති ගොඩක් අය සල්ලි දුන්න... තේරුමක් දැනුනෙ නැති උනත් එක විදේශිකයෙකුත් සල්ලි දුන්න..
ඇත්තටම මමත් ආස ගීයක්. පුරුදු විදියට යූ ටියුබ් එකේ ගීය හොයද්දි හම්බුනා ඒකෙ අලුත් වෙලුම. ඒත් ඒකනම් පරණ එක වගේ ලස්සන නෑ... මේ ගීයට ගැළපෙන්නෙ ජෝතිපාල කටහඬම තමයි. සින්දු දෙකේ වෙනස ඔයාලම බලන්නකො.

අලුත් එක අහන්න
පරණ එක අහන්න