අද මම මොකක් හරි වැඩක් කරන ගමන් ඇහුන චැනල් එකක් බණක්.. සම්පූර්ණ බණ මතක නෑ.. ඒත් ඒකෙ කියපු සමහර දේවල් මතකයි.. ඒක ඇහෙනකොට මට දෙයක් ලියන්න සිහි උනා.
මාතෘකාව නම් ටිකක් සැර වැඩිද මන්ද...
ඒත් ඉතින් මොනව කරන්නද...?
ගුණ + මැකුවා = ගුණමකුවා
අපිට සමාජයේ නිතර අහන්න ලැබෙන වචනයක් මේක. මම ලීව වගේ විසංධි කරල ලීවම හරිම සරලව තේරුම් ගන්න පුලුවන් තේරුම. අපි සමහර මිනිස්සුන්ව හඳුන්වන්න මේ නාම පදය පාවිච්චි කරනව...ඒ කියන්නෙ කළ ගුණ මකා දමන කෙනාට කියන නාම පදයක් තමයි මේක.. "ගුණ මකුවා".
සිංහල අපිට කළ ගුණ සලකනව කියන එක සාමන්‍ය දෙයක්..අපේ ජීවිතත් එක්ක බැඳිල තියෙන දෙයක්. ඒක අපි අතරෙ තියෙන මනුස්සමේ එක ගුණාංගයක්..
තමන්ට කන්න වේලක් දුන්න කෙනෙක්, වතුර උගුරක් දීපු කෙනෙක්, තමන්ට අකුරක් හරි කියල දුන්නු කෙනෙක්, තමන්ට වචනෙකින් හරි උදව් කල කෙනෙක් වෙනුවෙන් කළ ගුණ සැලකීම අපේ පුරුද්දක්... ඇත්තටම කළ ගුණ සලකනව කියල මහ ලොකුවට දේවල් කරන්න ඕනෙ නෑ. ඒ කෙනා තමන්ට උදව්වක් කලා කියන එක මතක තියෙන එකත් ලොකු දෙයක්..
ඒත් අවාසනාවක තරම...
අද කාලෙ ජීවත් වෙන ගොඩක් අයට අන්න ඒ දේ අමතක වෙනව...
මම හිතන්නෙ එක හේතුවක් වෙන්න ඇති රුසියාවට වඩා ලොකු ඉරිසියාව...
අනික අපි දුවන රේස් එක..
අපිට කොයි තරම් උදව් කල කෙනෙක් උනත්, අපිට හරි ඉක්මනට අමතක වෙන්ව... ඒක හරිම ඉක්මනට වෙන්ව. ඇත්තටම හරි අවාසනාවක් ඒක..
තමන්ට කන්න අහක දාන පාන් කෑල්ලක දුන්න මනුස්සයෙක් දැක්කම වළිගෙ වනන්න තරම් තිරිසන් සතෙක් වෙන බල්ලට මතක තියේනම්, දි‍යුණුම සතා වන මනුසතාට ඇයි මේ තරම් ඉක්මනට කළ ගුණ අමතක වෙන්නෙ..?
කුණ කටුව කියන සතා විෂ සහිත සතෙක් වගේම ගුණ මකුවත් විෂ සහිතයි...
එහෙනම් ඇයි අපි කුණකටුවෙක් වගේ ගුණමකුවෙක් වෙන්න හදන්නෙ විහින්..?
No comments:
Post a Comment
වෙලාව තියෙනවනම් පුංචි දෙයක් හරි ලියල යන්න...